"Ástandið"

Það eru búin að vera mikil veikindi á þessu heimili og sérstaklega þá á Daníel. Greyið er búinn að vera með kvef og hita síðan á síðasta mánudag og fórum við til læknis á fimmtudaginn þar sem hann var að kvarta yfir eyrnaverk. Við höfðum líka tekið eftir því að heyrnin hjá Daníel var eitthvað ábótavant - ekki gat hann alltaf verið að hunsa okkur svona þegar við töluðum við hann. Það kom í ljós að hann er með svona svakalega eyrnabólgu og mikinn uppsafnaðann eyrnamerg í báðum eyrum. Við fengum eyrnadropa með sýklalyfjum og svo tilvísun um að fara til eyrnalæknis þegar kvefið væri búið. Ekki vildi betur til en að hljóðhimnan sprakk hjá greyinu á laugardaginn og búið að vera leka blóðlitaður gröftur úr því síðan. Þetta er hins vegar ekkert hættulegt sérstaklega þar sem við erum nú þegar með dropana þannig hljóðhimnan mun gróa að sjálfu sér á nokkrum vikum. Daníel fær hins vega að vera heima í nokkra daga í viðbót sem er orðið ansi þreytandi, í dag er hann búinn að vera veikur í 8 daga.
Ellen María dafnar vel og hjúkrunarfærðingurinn kom í dag að kíkja á okkur. Hún er tæp 5 kg og 59 cm og auðvitað mjög fín í alla staði. Ellen er auðvitað langt yfir öllum dönskum kúrfum í vexti enda eignast danir algjörar píslir miðað við okkur Íslendinga. Næst er það síðan 5 vikna skoðun hjá lækni og svo er hún að fara í sónarskoðun á mjöðmunum 13.febrúar uppá Hvidovre spítala.
Á sunnudaginn er skírnin í Skt. Pauls kirkju í íslenskri messu og að því loknu verður kaffi hérna í Borups Have fyrir okkar nánustu vini. Ég finn það hins vegar að ég er þegar orðin dáldið tæp á þessu skírnarkaffi þar sem ég sit auðvitað föst alla daga með Daníel veikann heima. Ég hef því lítið getað útrétt fyrir skírnina eins og t.d. að kaupa bleikan borða í skírnarkjólinn! En þetta reddast allt saman með góðri hjálp sem ég veit að er í boði og ég þarf bara að segja til.
Á morgun ætlar Einar að vera heima fyrir hádegi og ég ætla að skreppa á mömmumorgun í Jónshúsi svona til að halda aðeins geðheilsunni. Í febrúar byrja ég síðan í dönsku mömmugrúbbunni sem er skipulögð af heilsugæslunni.

Á bleiku skýi

Best að láta vita aðeins af sér. Einar byrjaði að vinna í síðustu viku og á mastersverkefninu líka. Hann er að vinna 3 daga í viku og 2 daga í skólanum en svo svissast þetta í febrúar. Við erum búin að hafa það alveg yndislegt hérna enda er Ellen María algjört draumabarn sem sefur ca.18-20 tíma á sólarhring og vaknar oftast bara einu sinni á nóttunni og svo aftur undir morgunn til að fá að drekka. Hún er mjög dugleg að drekka og skilar litlu sem engu til baka þannig að það fer lítið til spillis hjá dömunni. Einar er búinn að vera að fara með Daníel í leikskólann á morgnana og ég sótt hann svo um eftirmiðdaginn en núna í þessari viku stóð til að ég myndi fara með hann líka á morgnana. Daníel er hins vegar búinn að vera veikur í gær og í dag þannig að það er í raun ekki búið að reyna á "stífa" morgunrútínu hjá okkur ennþá. Ellen er líka búin að næla sér í sitt fyrsta kvef þannig að það er dáldið að angra hana þegar hún sefur og eins þegar hún er að drekka en þetta virðist vera að lagast hjá henni.


kv,
K&E

Áramótamyndir

Síðasti dagurinn

Já, hann er runninn upp - síðasti dagurinn! Í dag er síðasti dagurinn sem við fjölskyldan erum í fríi saman og á morgun byrjar hversdagslegt líf aftur þar sem Daníel fer í leikskólann og Einar í vinnuna. Ég er guðslifandi fegin að losna við Daníel á leikskólann enda er hann gjörsamlega að ganga af göflunum hérna heima og óþekktin og lætin hafa náð nýjum hæðum í þessu jólafríi. En við lifðum þetta af og höfum í leiðinni aukið þol okkar og styrk sem foreldrar.
Mér mun ekki leiðast hérna í fæðingarorlofinu þar sem ég er nú þegar með íslensku mæðragrúbbuna og svo seinna í janúar byrja ég í danskri fjölbyrju mæðragrúbbu, sem er á vegum heilsugæslustöðvarinnar hérna í Frederiksberg. Svo er Linda vinkona mín hérna í húsinu með 3gja mánaða skottu og Lýdía auðvitað með mánaðar gamla.

Annað sem er helst í fréttum er að við erum búin að nefna Lille. Við höfum verið að máta hin ýmsu nöfn á hana síðan hún fæddist en á nýársdag var eitt nafn sem stóð uppúr hjá okkur.
Lille hefur verið nefnd ELLEN MARÍA EINARSDÓTTIR og ætlum við að skíra hana seinna í þessum mánuði hjá íslenska prestinum.

Annars heilsast okkur bara öllum vel og Ellen er duglega að drekka og sofa. Hjúkrunarfræðingurinn kom til okkar þegar hún var 9 daga og hún stóðst öll próf með prýði og vó 4,3 kg sem þýðir að hún hefur þyngst um tæp 400 gr þessa fyrstu daga. Ellen fór líka sama dag í heyrnarpróf og það kom líka allt eðililega út þannig að við erum bara hæstánægð.

kv,
Karen og co.